nófaló

2006-10-30T02:03:00.000Z

hver er þetta eiginlega? ætli þetta sé atli? neeeeehhhhhhhh.......

atli bloggar ekki. og hann dansar ekki heldur. ætli atli ætli að sigla yfir atlantshafið? neehh, ætli það sé ekki til of mikils ætlast.....

........og þannig byrjaði fyrsta bloggið mitt! já þetta er atli hérna sem er að blogga! (aldrei hélt ég að ég myndi segja þetta) og mér er alveg sama ef þetta verður ekkvað glatað því ég er bara að blogga í fyrsta skiptið og er bara svona að prófa og leika mér þar sem ég hef ekkert að gera nema leita að vinnu og íbúð sem er alveg ógisslega gaman og spennandi en líka erfitt og stressandi.

hei þetta hljómaði vel,

ógisslega gaman og spennandi
en líka erfitt og stressandi

hhhaaaaaaaaaaaaaahhh! ég held ég geri bara lag úressu held ég barasta jafnvel!

djók!

ok slappaðu af maður! úúúúúfffffffffffffff... anda djúpt........ inn um nefið og út um munninn.

jæja nóg um mig. hér er brandari sem ég heyrði fyrir mörgum árum en maniggi alveg en hann er ekkert fyndinn þannig að ef þið hafið ekkvað annað betra að gera plís sleppiði því þá að lesann!

einu sinni var maður á bar að tala við barþjóninn. hann hafði klárað úr glasinu sínu og sagði við barþjóninn:

,,éskal veðja viðig uppá tuttuguústkall að égeti lagt glasið mitt hérna á barborðið, tekið þrjú stór skref afturábak og migið oní glasið án þess að dropi fari út fyrir!"

barþjónninn sagðonum nottla bara að veriggjaessu rugli og sagði: ,,þaerekkert hægt mar! láttiggisona!"

en maðurinn var alveg handviss um að hann gæti þetta og sagði að hann gæti meirasegja borgað peninginn strax ef það tækist ekki hjá honum. barþjónninn fór fram á skriflegan samning og maðurinn samþykkti það.

svo tók maðurinn þrjú stór skref afturábak og tók út á sér drjólann og meig yfir barstólana, barborðið, barhillurnar og barþjóninn sjálfann en ekki fór dropi oní glasið. barþjónninn skellti uppúr og sagði: ,,hhhhaaaaaaahhhhhhhaaaaaaahahahaaaaahha, ekkjeinusinni nálægt því mar! nú skuldaru mér tuttuguústkall væni! hhhhhhhhaaaaaaaahahaaaaaaahhhhhhhhaaaaaa!!!"

en maðurinn brosti bara og fékk sér sæti aftur við barinn og bað um einn drykk áður en hann færi að ná í peningana og barþjónninn gaf honum glaður einn drykk skellihlæjandi og hamingjusamur. en svo tók hann eftir því hvað maðurinn var ánægður með að hafa tapað tuttuguústkalli í ekkuru sona rugli og spurðann akkuru hann glotti bara og maðurinn svaraði: ,, jú sjáðu til, ég veðjaði við þessa fimm gaura sem sitja þarna og stara á okkur tuttuguústkall á mann að ég gæti pissað yfir þig allann og barinn þinn en þú yrðir bara hæstánægður með það og byðir mér uppá drykk í rólegheitum"

já þetta var pínu glataður brandari ég veit það alveg, ég bara nennti ekki að setja ekkura pressu að hafa fyrsta bloggið mitt ekkvað feeensí og vel skrifað og fyndið, heldur ákvað ég bara á meðan ég var að bloggedda að segja bara ekkvað glatað sem skiptir mig engu máli. virkaði immit fínt í það þessi sko. tekur líka athyglina af því hvað "ætli atli ætli að ekkvað" brandarinn í byrjun var sinsírlí glataður og ófyndinn.

já og kannski verður þetta líka mitt síðasta blogg þar sem ég er sona ógisslega glataður og ófyndinn!

djók!

þetta var gegt gaman og ég á örugglega eftir að blogga á hverjum degi þangað til ég fæ vinnu eðekkvað rugl þúst þúst... þúst.. nesssla!!! (hrínhlátur)

2006-10-24T21:56:00.000Z

the war at home er ógeðslegur þáttur, ég hef aldrei séð hann en ég hef séð auglýsinguna. Reyndar er sjónvarpið ógeðslegt og ég hef varla horft á neitt sjónvarp síðan ég kom heim, fyrir utan simpsons, extras og animal planet.
Íbúðarleitin sökkar en við erum líka svo pikkí. Við erum samt með virkilega skemmtilega hugmynd í gangi, gæti gengið upp og skilað okkur húsnæði út í rassgati, burtu frá öllu, með útsýni og kyrrð, það er það sem við viljum, nennum engu borgarlífi, allavega ekki hérna á íslandi, það er ekkert það sama.

Annars eyddi ég mest öllum deginum mínum að lesa um hvernig heilinn virkar. Ég ætla í bað!

2006-10-19T22:18:00.000Z

ég er svo þreytt, ég hef ekkert úthald í svona íbúðarstúss. Fasteignasölumenn með sleikjuskap og reyna viljandi að rugla mann í ríminu með tali um allskonar lán sem hægt er að nálgast hjá hinum og þessum lánasjóði og banka. Ein kellan í dag talaði og talaði þegar við fórum upp á álftanesið að skoða þar íbúð, ég man nú ekkert hvað hún var að tala um en ég veit að mig verkjaði alveg rosalega í hausinn á leiðinni heim. Komandi með hugmyndir um hitt og þetta sem við getum gert við húsnæðið, hvar við getum sett upp hillur og eitthvað ótrúlegt.. bara svona til þess að vera viss um að hún tali alveg örugglega allan tímann, allavega á meðan hún sá okkur.. því þegar við stóðum grafkyrr þá virtist hún ekki sjá okkur og það heyrðist ekki múkk frá henni en um leið og við hreyfðum okkur byrjaði hún aftur "blablabla", spurning hvort að animal planet myndi hafa áhuga á heimildarmynd af þessu tagi?

Annars gengur þetta ekkert sérstaklega vel að finna íbúð, en við erum náttúrulega bara búin að vera að þessu í 3 daga svo að þetta gengur nú kannski bara vel miðað við það. Við erum allavega búin að skoða 5 íbúðir núna en höfum ekki fundið þá einu réttu. Það kemur að því, engin ástæða til þess að stressa sig...
..segi ég, ég fór í algjört panikk kast áðan .. ég er reyndar búin að vera í algjöru stressi síðan við skoðuðum fyrstu íbúðina, endalaust þreytt, óglatt og með niðurgang og smá stressútbrot.. ég er svo óþolandi næm eitthvað.
Málið er bara, ef ég á að vera alveg hreinskilin.. að loksins núna er ég komin með stjórn á lífinu mínu 22ára gömul. Alveg þangað til fyrir rúmum 18 mánuðum eða svo var lífið mitt ein súpa.. það gekk aldrei neitt upp, ég var í engu sambandi við sjálfa mig, leit illa út, gekk illa í öllu sem ég gerði, gat aldrei staðið við neitt, leið rosalega illa, hef átt rosalega erfitt með svefn alveg síðan ég var ungabarn.. og fleira í þessum dúr.. ég hef verið í 3 menntaskólum og er ekki búin með stúdentinn, það er frábært dæmi um hvað ég var alltaf að reyna.. en það gekk aldrei neitt upp.
Núna er ég náttúrulega búin að fá að vita hvað er að mér, fékk lyf við hæfi og hóf svo að vinna rosalega mikið í mér, það gekk (og gengur) frábærlega og mér líður svooo vel! En núna er ég byrjuð í skólanum aftur og mér gengur alveg frábærlega, topp árangur hjá mér hingað til og ég er ekkert smá ánægð með sjálfa mig. Ég gat varla lesið niður heila blaðsíðu því athyglin og ofvirknin komu í veg fyrir það en núna les ég heilu kaflana og man þá ansi hreint nákvæmt.
Ég las alltaf bara alfræði-orðabókina sem krakki og unglingur og önnur uppflettirit vegna þess að það eru stuttar klausur um hvert efni fyrir sig svo að athyglin hélst betur.

Núna þessa dagana hefur mér liðið óþægilega, óglatt og þreytt með útbrot og pínu niðurgang vegna þess að ég er svo stressuð. Unglingsárin mín fóru nebblega í algjört rugl og vesen þannig að núna er ég eiginlega að vinna upp það sem ég missti af þá.. það sem ég er að reyna að útskýra er að ég er núna bæði að uppfylla þær kröfur sem ég gerði til mín á menntaskólaaldrinum og þær kröfur sem ég geri til mín núna sem fullorðin manneskja og mér fannst pínu eins og ég þurfi bara að fullorðnast núna og hefði ekkert tíma fyrir skólann sem ég hefði viljað klárað fyrir tvítugsaldurinn, mér fannst það svo ósanngjarnt af því að það er ekkert mér að kenna að ég er með svona mikinn athyglisbrest og ofvirkni..annars hefði ég auðvitað kláraði skólann fyrr. Og svo núna er bara ætlast til af mér að ég kaupi mér íbúð, gifti mig og eignist börn. Semsagt enginn kafli 1 heldur beint yfir í kafla 2..Og þar sem ég vil alltaf standa mig alveg 100% í því sem ég er að gera þá varð þetta einum of mikið fyrir mig og ég fékk svona panikk kast.
Núna líður mér samt miklu betur því að ég fékk bara smá útrás og talaði um þetta við mína nánustu, það er miklu betra að hugsa upphátt heldur en inni í sér þegar kemur að svona stórum málum, pínu eins og plata.. hálf tilgangslaus nema að hún sé spiluð ef ég er að ná að gera mig skiljanlega. Auðvitað get ég gert bæði í einu, mig langar til þess að gera bæði í einu.. mig langar að kaupa íbúð, gifta mig, eignast börn og mennta mig alveg fullt, mála, teikna, taka myndir og vídjó!! Ég þarf bara að skipuleggja mig, og ef einhver er góður í einhverju þá er ég góð í því! Svo að mér finnst þetta eignlega bara ennþá meira spennandi og skemmtilegt vegna þess að núna kemur fullkomnunaráráttan mín sér vel. Jibbí jeij, hver hefur ekki gaman að panikk köstum hvort sem er? Smá krydd í hversdagsleikann, ég ætla meirað segja að reyna að ná næsta kastinu mínu á vídjó svo að ég geti leyft fleira fólki að hlægja að mér, algjör synd og skömm að halda þessu bara fyrir mig og mína nánustu.
Ég fattaði ekki einu sinni að þessi ógleði síðustu daga var vegna þess að ég var svona stressuð yfir öllum þessu nýju hlutum sem helltust yfir mig á svona stuttum tíma, ég hélt að þetta væri kannski bara eitthvað sem ég borðaði.. en eftir panikkkastið mitt þá leið mér miklu betur, ógleðin er alveg horfin og svoleiðis.. Næst og mér líður svona þá verður myndavélin sett á timer.

Ég er svoddan hallærisgella, ýkt viðkvæm og glötuð :) haha, mér finnst það bara sætt, því að mér líkar í raun og veru bara ansi vel við sjálfa mig svo að auðvitað er ég ekkert að taka mig of alvarlega, ég hlæ bara að sjálfri mér, mikið og oft, hátt og snjallt.. dóra gígja er að fullorðnast, það er skemmtilegt að fylgjast með því ferli!

En út í annað, ég er að leita mér að vegan-kokkanámi á netinu, ég hef nebblega verið að elda svo mikið síðustu mánuði og er orðin frábær kokkur, mér finnst maturinn minn allavega frábær. Gerði Afrískan pottrétt í gær sem heppnaðist alveg fullkomlega, sauð hýðishrísgrjón með, bakaði brauð og bjó til hummus með. Tilfinningin að borða mat sem ég elda sjálf alveg frá grunni er líka alveg frábær. Mér finnst líka mikilvægt að vita nákvæmlega hvað það er sem ég er að borða. Ég er alveg búin að missa mig í þessu líka, en það er náttúrulega ekkert nema jákvætt. Ég borða engin aukaefni, gerviefni, rotvarnarefni, sykur, salt, hveiti, kjöt, fisk, fugla, mjólkurvörur, nammi, gos og svo framvegis, ég reyki ekki og drekk ekki áfengi (reyndar eru bara tvær, þrjár vikur síðan ég smakkaði síðast áfengi en á síðasta hálfa árinu hef ég bara þrisvar sinnum fengið mér og er alveg hætt núna).
Ég borða hinsvegar mikið af grænmeti og ávöxtum, tófú og bara öllum soyavörum. Það er svo mikið hægt að gera! endalaust af nýjum réttum sem ég er að prófa og ég á ennþá eftir að finna eitthvað sem mér finnst ekki gott, ég hef líka kynnst nýjum matartegundum eins og þara slíku sjávarmeti einnig hef ég tekið upp á því að búa mér til graut á morgnanna úr frumbyggjanjóla en hann hafði ég ekki einu sinni heyrt talað um áður en ég varð að þessu heilsufríki sem ég er í dag.
Þetta er spurning um lífstíl, þetta er ekki einhver della sem fer eftir ár eða tvö.. mér hefur aldrei liðið betur og þegar maður hefur fundið eitthvað svona sem lætur manni líða svona vel þá er maður ekkert að fara að snúa aftur í gamla stílinn. Ég hef aldrei verið hraustari, sterkari eða heilbrigðari. Ég steinsofna á kvöldin (við skulum athuga að ég er manneskja sem hef þurft að glíma við það vandamál allt mitt líf) og svo er ekkert mál að vakna á morgnanna, gjörsamlega full af orku og langar aldrei að leggjast og sofa í bara nokkrar mínútur í viðbót, eins og gamla dóra hafði svo gaman af.

Ég veit alveg að ég er rosalega öfgakennd en það er líka ég í hnotskurn, annað hvort geri ég hlutina 100% eða sleppi þeim, það sem ég fæ áhuga á fæ ég mikinn áhuga á, ég hef alltaf verið þannig enda alltaf náð miklum árangri í því sem ég tek mér fyrir hendur. Ég horfi á þetta sem stóran kost og vil alls ekki vera öðruvísi, ég nýt þess að vera haldin svona mikilli orku og drifkrafti. Sumt fólk á það nú samt til að horfa á mig sem öfgakenndan vitleysing en það verður bara að fá að gera það, ég er á því að fólk eigi að gera það sem er best fyrir það sjálft og lætur því líða sem best, heldur en að vera alltaf að reyna að falla inn í eitthvað viðurkennt form. Fólk er oft að passa sig að vera ekki of mikið þetta en samt nógu mikið hitt.. í staðinn fyrir að fatta bara hvað virkar fyrir það sjálft og vera þannig. Það er undir okkur komið að halda mannlífinu fjölbreyttu, við verðum að passa okkur á því að falla ekki öll í einhvern mainstream hugsunarhátt.. maður verður að geta þekkt sjálfan sig úr hópi, annars er maður í virkilega vondum málum.

þetta er orðið allt of mikið og random, sjáumst!

2006-10-17T22:42:00.000Z

við skoðuðum hafnarfjarðaríbúðina áðan og urðum fyrir miklum vonbrigðum, það þarf algjörlega að gera hana upp og okkur finnst 15 milljónir vera einum of mikið fyrir þetta hús, ég er allavega ekki tilbúin að bjóða meira en hálfa milljón í þetta, nei veistu ég lýg.. mig langar nákvæmlega ekki að bjóða rass í þetta hús. Auglýsingin er bara ýkt og myndirnar eru ónákvæmar þar sem sjónarhornið þar lætur íbúðina virkar miklu stærri og fínni.
Af hverju gera fasteignasölur þetta? Eins og maður sjái ekki í gegn um þetta þegar maður kemur og skoðar? Þetta er bara svo óprófssjonal, bara verið að eyða okkar tíma í eitthvað rugl.

Allavega, stefnan er þá bara tekin á aðeins dýrari en þá í leiðinni glænýja íbúð, okkur langar bara að geta flutt inn og ekkert vesen, ekkert að þurfa að eyða pening í að koma öllu í stand og eitthvað rugl.

Núna erum við búin að finna íbúð úti á Álftanesi, ekki þessa stóru og hrikalega fínu sem ég nefndi í síðustu færslu heldur aðeins rólegri útgáfu af henni. Falleg og stílhrein hönnun, bæði að innan og utan, frábært útsýni yfir sjóinn, borgina, fjöllin og alla leið út á snæfellsjökul. Núna þurfum við bara að hafa samband við þann sem sér um íbúðina og fá að koma að skoða, ég er mun bjartsýnari núna en ég var fyrir hafnarfjarðaríbúðina.. það er nebblega alltaf rosalega riskí að pæla í svona gömlum húsum, þau eru svo sjarmerandi og full af sál að maður á erfitt með að horfa framhjá því.. en þegar við náðum að hrista í okkur vitið þá sáum við náttúrulega að húsið var alls ekkert í góðu ástandi. Það sakaði heldur ekki að hafa mömmu og pabba með í för því þau eru rosalega klár í þessu enda sjálf að huga að flutningum og búin að finna gullfallegt hús hérna í garðabænum, mun stærra en lindarflötin og alveg nýbúið að gera það upp.

Spennandi tímar hjá okkur atla og mömmu og pabba, skemmtilegt að standa í þessu saman...

Næsta blogg mun vonandi ekki vera á jafn "fullorðinslegum" nótum því að ég er sjálf að sofna.. ef þú hefur lesið þetta í gegn þá ertu hetja. Annars ætla ég að skella mér í bað því það er komið að daglega dekurtíma dóru! eða DDD fyrir lengra komna, verið sæl að sinni.

2006-10-16T16:28:00.000Z

það er mikið að gerast hjá okkur, þetta er skemmtilegur tími. við erum að leita okkur að íbúð. okkur langar ekki að kaupa okkur í miðbænum eða hvergi í reykjavík, okkur langar að vera í gamla bænum í hafnarfirði. þar er miðbæjarstemmning, stutt í allt, þar er minimoll með fatabúðum, matarbúðum, bönkum og fleira en svo er líka stutt í náttúruna og líka í sjóinn. hverfið sem við erum að skoða er einbýlishúsahverfi og rosalega rólegt og fallegt. ef fasteignagaurinn hringir til baka í dag þá ættum við að geta farið og skoðað og ég er sko ekkert lítið spennt enda húsið mega krúttlegt og við fengjum tvær hæðir. eldhúsinnréttingin er þvílíkt retro en það er baðherbergið líka. húsið er í góðu standi, nýtt þak og alles. stutt í skóla ef við stækkum við fjölskylduna og svo er líka garður með. Kosturinn við þessa íbúð er líka sá að með tímanum gætum við hugsanlega keypt efstu hæð húsins og verið þá komin með ansi hreint rúmgott einbýlishús á besta stað.

annars langar mig ekki að tala of mikið um þetta því að þetta er auðvitað bara allt á byrjunarstigi og það er ekki einu sinni víst að okkur lítist á húsið þegar við loksins fáum að skoða það í persónu. Það er ýmislegt sem maður þarf að hugsa um í þessum málum en það eina sem er alveg víst er að þetta er ótrúlega gaman og við erum rosalega spennt.

Við höfum við að skoða upp á álftanesi líka, mér finnst íbúðirnar þar hinsvegar einum of nýjar og falskar eitthvað, með rosalega nýtískulegum innréttingum og allt voðaleg inn í tískunni, ætli það maður fái ekki völu matt með í kaupauka ef maður skellir sér á svoleiðis íbúð...

hafnarfjörðurinn heillar meira á þessu stigi, hús frá 1932 með retro innréttingum og í góðu standi á tveimur hæðum með skemmtilega möguleika upp á framtíðina séð. heyrðu, nú heyri ég gemsan hans atla hringja, ætli þetta sé ekki fasteignagaurinn!

2006-10-13T23:52:00.000Z

við erum komin heim úr bústaðnum! veðrið var ekkert frábært, sterkur vindur og rigning mest allan tíman en við fengum þó sól og blíðu síðasta daginn en þá fórum við líka í smá göngutúr þar sem ég tók margar myndir og atli var duglegur að sitja fyrir hjá mér, svo er auðvitað líka alltaf svo gaman að mynda íslenska náttúru.

hérna eru nokkrar myndir úr ferðinni, ég held að þetta sé byrjunin á yndislegri vináttu milli mín og nýju myndavélarinnar en ég á auðvitað margt eftir ólært, ég er ekki einu sinni búin að klára að lesa leiðarvísinn.. en ég er náttúrulega frekar óþolinmóð og svo lengi sem að ég er viss um að ég sé ekki að eyðileggja vélina þá vil ég helst bara byrja að smella af. Ég ætla nú samt að stúdera vélina núna næstu daga, lesa mér til og vera svolítið fullorðinsleg og yfirveguð í þessu öllu saman!

2006-10-09T10:30:00.000Z

helgin var með þeim allra óþægilegustu sem ég upplifað í langan tíma en þó í leiðinni áhugaverð. við fórum í óvissuferð með fyrirtækinu hans pabba. við fórum alla leið á stokkseyri þar sem við skoðuðum fallegan vita en því næst héldum við út á bryggju sem var þar skammt frá. Þar fórum við í reipitog og svo í boðhlaup og stórfiskaleik. Ég tók aðeins þátt í reipitoginu en þar sem að mitt lið tapaði þá fann ég ekki orkuna í mér til þess að halda áfram slíkum barnaskap enda ekkert venjulega mikil keppnismanneskja og fór meirað segja hálf í taugarnar á sjálfri mér, en það er nú allt saman ansi fyndið svona eftir á.

Eftir þetta (og þarna var fólk farið að finna ansi vel á sér enda frítt áfengi í boði) fórum við á Draugasetrið. Draugasetrið er draugahús sem að maður gengur í gegnum með geislaspilara, við hverja stöð er númer, þá stillir maður geislaspilarann á það númer og hlustar á íslenska draugasögu sem að á við á hverri stöð. Á meðan maður er djúpt sokkin í söguna koma leikarar í drungalegum búningum og hoppa aftan að manni svo að maður hrekkur við. Þetta er rosalega draugalegt og án efa lang skemmtilegasta draugahús sem ég hef farið í. Ég mæli svo sannarlega með því að fólk kíki þangað ef það á leið um.

Eftir að hafa verið við dauðans dyr í rúmar fjörutíu mínútur var ekki skrítið að fólk væri orðið svangt svo að þá var haldið á veitingarstað þarna rétt hjá. Veitingastaðurinn er átthyrningur og mér fannst það alveg frábært enda höfum við atli haft auga á slíku húsnæði á kjalarnesinu. Þar var meira vín í boði og alveg frábær matur. Við atli fengum salat með ólívum og sólþurrkuðum tómötum og seinna fylltan og grillaðan kúrbít sem smakkaðist rosalega vel.

Þegar við lögðum á stað heim var ég orðin alveg haugafull, enda er ég orðin algjört heilsufrík. Ég smakka ekki einu sinni gos svo að það væri ekki rétt að kalla mig hænu því að ég er alveg viss um að hvaða hæna sem er gæti drukkið mig undir borðið. Núna er mánudagur og ég er ennþá þunn.

Við atli fórum niður í bæ alveg staðráðin í að upplifa nú eitt íslenskt fyllerí eftir allan þennan tíma. Ég hitti flest alla vini mína en því miður er ég búin að gleyma öllu því sem gerðist, næstum því.. svo að þetta var ekki til mikils, mér líður bara eins og að þetta hafi allt saman verið draumur. Þegar á vaknaði á sunnudagsmorguninn krindsaði ég bara aftur og aftur þegar hugurinn reikaði aftur til gærkvöldsins. Ég er svo hörð við sjálfa mig að það tók mig allan daginn til þess að komast á það stig að geta bara hlegið að þessu öllu saman. Ég þarf að hætta að vera svona alvarlega, auðvitað er í lagi að fara út af sporinu af og til, svo lengi sem það er af og til.

En þetta var mitt síðasta "fyllerí", lífstíllinn minn bíður ekki upp á svona lengur, líkaminn minn ræður ekki við þetta og svo finnst mér miklu skemmtilegra að kúra mig í fangið á atla, klappa dimmu og horfa á animal planet eða eitthvað í þeim dúr, vakna svo snemma og fara í sund já eða í göngutúr.

Atli og ég ætlum upp í sumarbústað í dag, á Flúðir. Við ætlum að vera fram á fimmtudag, njóta þess að vera í íslenskri náttúru og liggja í heita pottinum, elda góðan mat og ganga upp á fjall og svo ætla ég að taka með mér nýju fallegu myndavélina mína og prófa hana svo eitthvað sé nefnt.

Ég er komin með íslenskt gsm-númer, en það er 6929760.
Núna þarf ég að halda áfram með heimspekiverkefnið mitt svo að við komumst nú í bústað fyrir myrkur! Bless í bili!

2006-10-03T23:25:00.000Z

Karma er týnd! Hefur þú nokkuð rekist á hana? klikka hér

2006-10-03T16:31:00.000Z

( Lára blikk blikk!! )

2006-10-01T23:33:00.000Z

Við erum komin heim. Við erum ekki búin að hitta neinn nema fjölskylduna enda búið að vera mikið að gera. Pabbi minn hélt upp á afmælið sitt svo að það gekk fyrir en við hlökkum nú til þess að hitta vinina, það gerist vonandi á morgun (valdís? blikkblikk).

Ég er alveg rosalega þreytt, svo langþreytt eftir allt þetta stress sem fylgir svona millilandaflutningum. Við höfum það nú samt alveg rosalega gott. Þvílíkur munur að fá að búa hérna í Garðabænum hjá mömmu og pabba eftir svona langan tíma í gjörsamlega lúxus-lausri íbúð í miðri borg. Núna kann ég mun betur að meta það að hafa baðkar og sturtu, stóran ískáp og uppþvottavél svo eitthvað sé nefnt.

Jæja, atli er búinn í símanum svo að núna liggur leiðin inn í draumalandið þar sem við ætlum að hoppuskoppast út um allt og fljúga yfir land og sjó.

2006-09-28T13:04:00.000Z

hallo

vid vildum bara lata vita af okkur. sitjum a internetkaffi i glasgow og erum ad bida eftir thvi ad hotelherbergid okkar verdi tilbuid.

thetta er buid ad vera algjort aevintyri og serstaklega sidustu dagar og vikur.

vid komum heim a morgun!

mun skrifa faerslu um villt aevintyri okkar bradlega!

glasgow-iskt lyklabord sokkar!

2006-09-16T17:38:00.000Z

What is adhd?

ég er svo upptekin af sjálfri mér þessa dagana.

2006-09-14T21:57:00.000Z

ÞAÐ ER EKKERT VATN Í HÚSINU!

ég get ekki sturtað niður, ég get ekki vaskað upp, bustað tennurnar, þvegið mér og hlutir í svipuðum dúr.

Flutningabíllinn kemur á morgun!

Ég sá fyrsta þáttinn úr nýju seríunni af extras, áðan. Hann var æðislegur, ég hlakka til þess að sjá næsta þátt.

Svo er ég er reyna að hætta að blóta, ekki það að ég blóti eitthvað meira en hver annar.. langar bara að losa mig við þetta. Sjáum hvernig þetta gengur.

JEIJ!

2006-09-10T12:06:00.000Z

ég sofnaði seint í gær. ætli ég sé ekki svolítið stressuð yfir flutningunum.

við flytjum aftur heim til íslands þann 29.september.
við þurfum að skila íbúðinni þann 19.september
við þurfum að vera búin að pakka öllu því þann 15.september kemur flutningabíll og tekur allar okkar eigur og flytur þær í skipið sem siglir svo með allt til íslands.

atli er á fullu í skólanum, bæði að undirbúa sig fyrir bóklegu og verklegu prófin en líka að klára lokaverkefni og ritgerð. flutningarnir lenda því að mestu á mér. ég ræð alveg við það þó og atli hefur tíma til þess að hjálpa mér í dag, við klárum vonandi að pakka þá.

það verður gaman að koma heim. ég sakna hundafésins henni dimmu minnar alveg rosalega, ég hef ekki haft neitt samband við hana í heila níu mánuði, hún kann nebblega ekki að nota msn. ég hef haft meira samband við íslandsbanka en minn eigin hund þessa síðustu mánuði.. það er vírd.

þann 19.september þegar við þurfum að skila íbúðinni flytjum vil til vina okkar þeirra ben og tam sem búa hérna í liverpool. Ben er með atla í bekk svo að þeir hafa bara gott af því að búa saman svona yfir prófin, geta lært saman og fléttað hárið á hvor öðrum.

Við fljúgum heim föstudaginn 29.september, frá Glasgow. Við ætlum að eyða síðustu nóttinni á hóteli í glasgow vegna þess að flugið okkar er svo snemma, við lendum á íslandi á hádegi, rúmlega.

ég er að spá í að kaupa mér fína prófessional myndavél áður en við komum heim. Verðið er ansi gott hérna úti og úrvalið skemmtilegt. Atli er líka mikið í gítarpælingum enda úr miklu að velja hérna. Sjáum hvað gerist, en ég verð eiginlega að fá mér myndavél. ég bara verð. veeeerð!

ég semsagt verð.

p.s. ný sería af extras byrjar eftir viku. hver getur beðið? ekki ég. ricky gervais var í spjallþætti á bbc í gær, hann er æðislegur. klippur úr nýju seríunni voru sýndar og hann sagði sjálfur að honum þætti þetta fyndnara en það sem hann hefur gert áður. ajé.

2006-09-08T22:45:00.000Z

www.godhatesfags.com

þetta er ekkert grín, var að klára að horfa á umfjöllun um þennan hóp af fólki í sjónvarpinu.

nær hugurinn þinn þessari síðu? geturu horft á þetta hlutlaust og myndað þér svo skoðun út frá því sem þarna stendur (eins og manni er kennt að gera, gefa séns og vera open minded) eða ertu eins og ég og gaptir svo lengi að þú þarft nauðsynlega læknisaðstoð og fórst svo í móðursýkishláturskast vegna þess að "það er ekki séns að þetta satt maðuuuur, gaaalææætan" ..en líður núna bara hálf illa og situr út í horni og skelfur ásamt því að vera ansi óglatt?

......

2006-09-06T11:21:00.000Z

mig langar að gera smá könnun, ég er reyndar ekkert viss um að það gangi upp hérna. Ég veit að það skoðar fullt af fólki síðuna mína, teljarinn minn lýgur ekki, en fólk virðist vera eitthvað feimið við að kommenta en ég hef náttúrúlega ekki verið að biðja fólk eitthvað sérstaklega um það.

núna langar mig hinsvegar að spurja þig kæri lesandi hvort að þú sért með einhverja kæki eða spes aðferðir í þínu daglega lífim, ómeðvitaðar rútínur if you will. Það þarf ekki að vera neitt mikið, það væri bara gaman að sjá útkomuna, má vera nafnlaust þess vegna ef það er eitthvað viðkvæmt mál. :)

Ég læsi t.d. útidyrahurðinni alltaf eins á kvöldin. Ég ýti þrisvar sinnum á hana, tosa svo þrisvar sinnum í hana og ýti svo þrisvar aftur á hana. Ég veit ekki af hverju en mér líður ekki jafn vel ef ég geri þetta ekki nákvæmlega svona.

Ef þetta gengur upp og fólk svarar þessu af einhverju viti þá ætla ég að skrifa niður fleiri hluti eins og þessa sem eru hluti af mínu daglega lífi.. svona til gamans.

Þetta er líka góð leið fyrir mann sjálfan að miða sig við aðra og sjá hvar maður stendur þegar það kemur að obsessive compulsive hegðun..

mig grunar það nebblega að ég sé að verða svolítið þannig með aldrinum, án þess þó að það sé eitthvað alvarlegt.. en ég tek samt eftir því.. þess virði þá aðeins að skoða hvar maður stendur.

2006-09-04T22:27:00.000Z

þvílíkt er frábært að búa hérna í liverpool, sérstaklega vegna þess að það rignir alla daga alltaf endalaust (sagt með bros á vör). við höfum talað mikið um það upp á síðkastið hvert okkur langar að flytja næst. japan kemur oft upp og ég var að skoða japanska ljósmyndaskóla á netinu í dag, lítur svooo vel út að ég held að ég geti bara ekki sætt mig við það ef við ákveðum ekki að fara til japans.

annars erum við líka að reyna að finna okkur húsnæði á íslandi, gott að eiga einhverskonar húsnæði þar líka. Átthyrnt sumarhús á kjalarnesinu er mitt draumahús í dag, það er bara ótrúlega kúl, lengst í burtu frá hávaða og "siðmenningu". Ég vil búa í náttúrunni frekar enn í miðri borg. Að ímynda sér friðinn og fegurðina sem íslensk náttúra hefur upp á að bjóða, það eitt og sér fær mig til þess að brosa, hvað þá að búa í átthyrndri miðju alheimsinS!!

ég er byrjuð í skólanum, online skólanum. ég er aðeins meira töff en allir.

2006-08-31T08:51:00.000Z

um helgina komu eiríkur vinur minn og kærastan hans hún ingibjörg í heimsókn til okkar. laugardagurinn var mjög langur og mjög dramatískur en líka alveg ótrúlega skemmtilegur. við byrjuðum á því að fara á liverpool - west ham, sem var náttúrulega alveg frábært og við fengum að sjá nokkur mörk og ég tók yfir 200 myndir sem ég mun setja á netið mjög bráðlega. Eftir leikinn fórum við svo á krá á anfield road, rétt hjá vellinum, þar sem við drukkum smá guinness.. ég og atli vorum ekki búin að smakka áfengi í frekar langan tíma svo við þurftum lítið til þess að finna á okkur, en við héldum þessu nú alveg í hófinu þarna.

Þegar við komum út af kránni blasti svo við okkur sendibíll frá versluninni Iceland, okkur fannst auðvitað nauðsynlegt að hópmynd næðist af okkur fyrir framan iceland lógóið þannig að ég skaust aftur inn á krána og fékk eina af bjórkellingunum til þess að taka mynd af okkur. Á meðan lagði ég frá mér töskuna, upp við vegginn, ekki meira en tvo metra frá mér. Þegar myndatökunni var lokið og ég ætlaði að setja myndavélina mína aftur í töskuna, þá var hún horfin. Hvar er taskan mín!! ég fann hvernig pirringurinn magnaðist upp innan í mér og niðurrifið byrjaði, hvernig gat ég verið svona vitlaus?? helvítis áfengi, ég vissi að ég ætti ekki að vera að drekka!! og fleira dramatískt í þeim dúr.

Á þessum punkti kemur einhver maður út af kránni og segir mér að eitthvað lítið mótorhjól hafi keyrt framhjá okkur (semsagt á gangstéttinni) og að taskan mín hafi flækst í henni. ég bara "whoooooott are you talking about laaaad, too many pints for one day yeah? feeling well drunk and all?" nei djók ég sagði það ekkert, en allavega hann benti okkur í hvaða átt "skúterhjólið" fór svo að við hlupum bara í þá átt í panikki. Við skiptum liði og af einhverjum ástæðum rataði atli í rétta átt og endaði í einhverjum almenningsgarði þar sem að hann sá strákahóp og einn af þeim var á mótohjóli. Atli nálgaðist þá eins og tígrisdýr, óséður og í vígahug. Þegar að tóku eftir honum stóð hann minna en tíu metra frá þeim og þeir ruku allir upp og voru eitthvað "who the fuck is that!", greinilega ekkert sérlega saklausir.

Með strákunum var maður í kringum fertugt, hann leit út eins og heróínfíkill og var líklega ekki þyngri en 45 kíló eða svo. Atli gekk upp að honum, þar sem að þessi maður leit út fyrir að vera sá sem best var að tala við til þess að fá að vita hvað gerðist, þrátt fyrir útganginn á honum. Strákarnir voru nebblega ekki eldri en 13 ára, það er alveg sjúklegt að sjá stéttarskiptinguna hérna stundum, það er svo mikill munur á fólki. Þetta hverfi sem við vorum í er svona jerry springer hverfi, ekki gott hverfi.. og við erum ekkert vön því þar sem við búum í miðbænum og sjáum í rauninni bara fólk að versla, drukkið fólk já eða stúdenta. ALLAVEGA, atli sagði við manninn "I just want the wallet back you can keep the money mate", hann svaraði "what the fuck you on about lad, I don´t know what the fuck you´re talking about these lads have been here for the last half hour". Atli gat þá náttúrulega ekkert sagt nema bara að biðjast afsökunar á ef hann hafði ranglega ásakað strákana. Atli gekk þá í burtu frá þeim og hringdi á lögguna.

Ég var þá á fullu að vinna í því að reyna að loka kortunum okkar, ég hringdi ég mömmu og pabba sem voru upp í sumarbústað á flúðum. Þau voru einmitt að leggja sig þegar að þau fengu þetta geðveikislega og óskiljandi símtal frá mér þar sem ég var rosalega hátt stemmd en þau voru á milli svefns og vöku, takk mamma og pabbi fyrir að vera svona yndó!

Allavegana, þegar lögreglan kom sögðu við þeim hvað gerðist og hvar þeir voru. Löggukallinn keyrði út um allt hverfið á meðan löggukonan spjallaði við mig. Þegar strákarnir sáu lögguna rúnta um hverfið hlupu þeir í burtu og henntu öllu frá sér. Sagan endaði semsagt þannig að við fengum allt til baka, meirað segja veskið og peninginn í því. Ég var með nammi í opnum poka og það var allt meirað segja á sama stað þegar ég fékk töskuna aftur í hendurnar. Lögreglan var meirað segja svo yndisleg að skutla okkur alla leið aftur niður í miðbæinn. Þau voru rosalega skemmtileg og góð við okkur, en líka roslega undrandi því að þetta er ekki algengt að missa töskuna sína í hendur glæpalýðs í svona slæmu hverfi en fá hana síðan aftur ásamt öllu innihaldinu.

Á mánudeginum röltum við niður göngugötuna og að sjónum ásamt vinum okkar þeim Ben og Tam vegna þess að okkur langaði að skoða matthew street (bítlagatan) music festivalið. Það er talið að meira en 300.000 manns hafi ferðast hingað til liverpool um helgina svo að allar götur voru stappaðar. Okkur til mikillar undrunar birtist lögreglukonan frá laugardeginum og heilsar okkur rosalega kát á svip og spurði hvort að við værum ekki að skemmta okkur vel. Ég held að þetta toppi nú allar löggusögur ever. Fáránlegt atvik og alltof frábærir lögregluþjónar. Er ég sofandi? var þetta draumur? eða lífið kannski bara svona ótrúlega skemmtilegt og ófyrirsjáanlegt? :)

2006-08-23T21:33:00.000Z

ég var á fjórum fótum inni á baði með gula þvottahanska upp að olnbogum, vopnuð hreinsiefni og svampi og rennandi sveitt við að hreinsa sturtubotninn eftir að hafa eytt öllum deginum mínum í hreingerningar þegar ég heyri útidyrahurðina skellast og atla koma upp stigann.

Ég stóð upp til þess að heilsa honum og ójá hvað ég rak upp stór augu. Var hann þá ekki mættur með blómvönd á stærð við færeyjar og ennþá stærra bros :)

núna líður mér eins og prinsessu, þó svo að hárið á mér angi af klórlykt :)
yndislegi strákurinn þinn!

2006-08-22T18:11:00.000Z

Einu sinni voru alltaf að koma köngulær inn í íbúðina okkar, ég var alltaf að reyna að losna við þær en fékk þá svo þessa frábæru hugmynd að hengja bara miða upp á vegg sem á stendur "no spiders", og viti menn, við höfum ekki séð eina könguló síðan.

músin hefur heldur ekkert látið sjá sig síðan við bentum henni á að íbúðirnar fyrir neðan okkur standa auðar sem stendur svo að hún getur búið þar án þess að við truflum hana og hún okkur.

Lífið hefði nú verið svolítið auðveldara hefði ég bara fattað það fyrr að auðvitað þarf maður að tala á ensku við dýrin hérna úti. Ég get verið svoddan kjáni :)

2006-08-10T17:44:00.000Z

ég fékk nóg af því að bíða eftir maga-aðgerðinni sem að ég átti að fara í, þannig að ég fletti því bara upp á netinu og framkvæmdi hana sjálf. I think I´ve bollocksed it right up.... Hvað þarf maður samt mörg líffæri til þess að lifa af? hvað kemst ég upp með, bara basic þarfir!? Ég er ekkert að fara að hlaupa maraþon eða eitthvað, ég get bara byrjað að vinna sem símadama eða eitthvað...?

Going to lay some eggs later on are you? Fly around a bit? In a V formation like a bunch of sheep?

2006-08-04T00:39:00.000Z

mér finnst gaman að klæða ketti í tóm smartís hylki og láta þá labba um eins og vélmenni.

2006-07-31T19:17:00.000Z

djöfull er ég leiðinlegur bloggari, ég bara blogga aldrei. Það er ekki eins og að ég hafi ekkert að segja, venjulega get ég ekki hætt að tala, allavega ekki fyrr en ég er slegin í gólfið með lokuðum hnefa. djók.

Það á fluga heima í íbúðinni okkar. Hún er með svo mikinn persónuleika, alltaf að sniglast í kringum okkur og flýgur sko alveg á billjón fram og til baka í stofunni. Fyrst þá reyndi ég allt til þess að losna við hana, opnaði alla glugga og allt en núna er ég glöð að hún er ennþá hjá okkur, hún er svo mikið krúsífés. Við skírðum hana í kvöld, eða ég krafðist þess að hún héti "laxi", einfaldlega af því að það er kúl.. (ég get sagt hluti eins og "hey laxi") svo finnst mér þetta líka fyndið nafn, af því að hún er fluga. ekki lax.

En mér þykir vænt um hana, hún er ofvirk eins og ég :) við fljúgum og syngjum saman um í stofunni núna, eins og í disney mynd..

ég: A whole neeeew world
flugan: Don't you dare close your eyes
ég: A hundred thousand things to see
flugan: Hold your breath - it gets better
ég: I'm like a shooting star, I've come so far.......I can't go back to where I used to beeeee
flugan: a whole neeeeew world

en stundum sitjum við bara og þegjum. Njótum samverunnar.

Thom Yorke diskurinn fær enga stjörnu af engum stjörnum já mér, því að ég er ekki búin að mynda mér skoðun en ég get nú samt sagt ykkur að í fyrsta skipti og ég hlustaði á plötuna hans í gegn.. leyst mér ekkert of vel á. Þetta er samt að lagast núna, ég var bara óvön að heyra og sjá thom yorke svona einan og óvarinn, eins og lítið týnt svín.

Annars er þetta fáránlegt bros hjá mér ég veit, mér fannst þetta bara svona fyndið.

2006-07-24T19:54:00.000Z

Það er semsagt búið að vera fallegt veður, fallegt sólarlag, fallegur kærasti og fallegur kjóll.

2006-07-19T16:49:00.000Z

Now Freak! I said Freak! Now Freak!

Í dag er heitasti dagur í sögu liverpool, ef ég fer rétt með. Það er 35 stiga hiti núna en áður var hitametið 33 gráður. Liverpool er upp við sjóinn, kaldann sjóinn, þetta er mjög svipað og að búa í Reykjavík vegna þess að það er alltaf einhver vindur hérna. Mér hefur samt liðið í sumar, eins og við búum í borg upp við stærstu hárþurrku heimsins en ekki upp við sjóinn því það er bara ekkert kalt við vindinn lengur. Ég er samt ekkert að nöldra yfir hitanum ef svo vill til að ég komi þannig út, það er alls ekki málið. Málið er að ég ræð ekki við svona hita, ég er svo óvön honum, ég á ekki einu sinni föt til þess að vera í þegar að það er svona heitt. Ég á lopapeysu og gallabuxur, þið vitið, íslendingasumarföt. Ég kann að fara í frí til sólarlanda, því að þá er maður tilbúin, maður er búin að peppa sig upp í sumarhitafílinginn áður en maður einu sinni stígur upp í flugvélina. Það er allt annað að þurfa að þola svona mikinn hita inni á manns eigins heimili, öll heimilisverk verða til dæmis mun erfiðari, það er hundleiðinlegt að elda og standa yfir eldavélinni í 15 mínútur er eitthvað sem maður þarf sterkar taugar í svo það líði einfaldlega ekki yfir mann. Ég meina það, það segir anna magga alltaf (í jón oddur og jón bjarni?)

Við fórum í gær og ætluðum að leysa þetta fatavesen með því að kaupa einhverskonar sumarbúning, helst léttan kjól og/eða hörbuxur. Við enduðum á því að kaupa buxur og síðan bolakjól (bolur sem er ermalaus og upp að manni en þó nær niður fyrir rass). Á leiðinni heim fann ég hvernig ég var nálægt því að fríka út af frjókornaofnæmi (kláði í nef, augu og háls), ég var svo sveitt og mér var svo heitt, mig langaði að rífa upp skinnið á mér vegna kláða og svo var ég líka bara svo djöfulli pirruð á æsingnum í fólkinu á göngugötunni og inni í búðunum. Þegar við komum heim ákvað ég bara að slappa af, ég veit samt ekki hvað gerðist því að 10 mínútum eftir að við komum heim missti ég bara stjórn á mér. Ég hellti yfir mig vatni úr brúsanum sem ég hélt á, það hljómar kannski ekki merkilega en ég sat upp í sófa í nýja bolakjólnum mínum og gallabuxum og ég hellti háfum brúsa af gjörsamlega ísköldu vatni yfir mig og rennblotnaði auðvitað. Ég pirraði sjálfa mig bara ennþá meira með að gera þetta, hver vill vera blautur? rennandi blautur með ískalt vatn á maganum og bakinu og hárinu! Djöfull var þetta óþægilegt, ég var sko ekki sátt! Ég stóð upp lítandi út nákvæmlega eins og the hulk (græni gaurinn) eða mér leið allavega eins og honum. Ég þrammaði að ískápnum með brjálæðið flæðandi úr eyrunum á mér, og tók upp greipávöxt sem sat upp á ískápnum (og hafði augljóslega fylgst með öllu því það hreyfði sig ekki, greipið). Ég byrjaði á því að þrýsta þumalputtunum mínum inn í það eins fast og ég gat þangað til safinn byrjaði að fossa, það voru alveg svona 2 lítrar af safa inní greipinu en það var bara betra (þó svo að það hafi verið meira að taka til) því ég fann hversu mikil útrás þetta var fyrir mig. Ég var þó ekki læknuð, heldur kastaði ég mér ofan í greipsafann á gólfinu þegar ég fékk nóg af kreistinu "uuuhuuu það er allt svo eeeerfitt" "vooorkenn vorkeeenn". Ég stóð upp stuttu seinna og stampaði út um allt, ein ennþá ógeðslega pirruð skiluru. Ég endaði kastið mitt á glæsilegu bolarifi með báðum höndum, ég tók í nýja bolinn sem ég var í og reif hann (svona eins og ofurhetjur rífa af sér fötin). Bolurinn minn er núna ónýtur, hann kostaði reyndar bara 500kall, en það er samt 500 kall. og ég ætla að skila buxunum sem við keyptum vegna þess að þetta geðveikiskast er augljóslega h&m búðinni að kenna. Þroskuð og yfirveguð ákvörðun.

Mér finnst reyndar æðislegt að haga mér svona og hef aldrei reynt að bæla það niður, mér finnst gaman að tjá mig. Tilfinningar eru ósýnilegar, þær eru bara þarna, besta leiðin til þess að tengjast sjálfum sér er að láta eins og manni líður, tjáááá tilfinningar sínar (versta leiðin til þess er hinsvegar tjáning 103, framhaldskóli? anyone?) Auðvitað liggja mörk, ofbeldi er til dæmis ekki eitthvað sem að ég mæli með að maður noti hvort sem maður er í tilfinningakast eða ekki.

En ég er ekki hrædd eða óánægð með skapið mitt, ég fagna því að hafa svona mikinn kraft innan í mér. Ég kann líka að hlægja af því eða ég get ekki - ekki hlegið af því, ég er svo rosalega hallærisleg. haha.

Takk Atli minn fyrir að skilja hvernig ég er, fyrir að fríka ekki út þegar ég fæ nóg af raunveruleikanum (raunveruleikanum? hver er ég? þjáður unglingur með ranghugmyndir? goth?) og tek geðveikiskast. Þú skilur mig og hlærð svo bara með mér eftir á, það er nákvæmlega það sem ég vil. Þú tekur hlutina ekki of alvarlega og vilt heldur ekki aga þig til svo að þú getir skilað af þér óþarfa mannasiðum og viðeigandi niðurbælingu sem gagnast ekki neinum, sérstaklega ekki þegar maður er inni á manns eigins heimilis.

Hjartanlega til hamingju með sambandsafmælið okkar engillinn minn, dönsum núna.

Aaahh Freak out! Le Freak, C'est Chic!